Op vrijdagaovend 14 augustus promoten De Poedies POEDIE, POEDIE, POEDIE van Fries Wolma, op twij campings. De Poedies verzörgen ien Opende en Zevenhoezen n optreden veur de campinggasten. En Fries Wolma zingt het vrolijke laidje natuurlek mit!
POEDIE, POEDIE, POEDIE is n zummers laidje. Dat past bie t vekaanziegevuil. Doarom speulen De Poedies en Fries ien Opende bie camping Polemonium en ien Zevenhoezen bie camping Aan de Bosrand.
Om de toer n feestelek tintje te geven worden Fries en de wichter deur Wally van der Reyd ien zien Cadillac – zo’n dikke Amerikoanse slee – van A noar B reden. Da’s geliek n mooi decorstuk.
De Poedies begunnen en eindigen mit POEDIE, POEDIE, POEDIE. t Publiek kin t laidje noa d’eerste keer wel mitzingen, dus twijde moal dut vast haile camping mit. Wat ist weer een boudel! Wordt mooi man!!
