DE POEDIES STOPPEN DER MIT!

Corona brengt aiglieks alleneg moar ellende. Al dat thoes zitten dut mensen gain goud. Ook DE POEDIES nait…

Zomoar ien aine bennen ze dr zat van. Wat n gedoe ja steeds mit hoaren vaarven, al dij pakjes, kouzen, bloumen, toeters en bellen. Ze hebben der gain zin meer ien. Ze bennen dr kloar mit. Ze stoppen der mit! En dat leggen ze oet ien dit filmpje

Alle fans schier bedankt veur joen luusterend oor en morele steun de oafgelopen joaren. Joe hebben altied veur de wichter klapt. Nou klappen de wichter veur joe. En je kriegen dr ook abmoal n dikke smok bie!

Of kiek t filmpje hier: DE POEDIES HEBBEN SLECHT NIJS

En zeg nooit nooit… t blieven wel POEDIES he?!!
Dus messchain TOT OOIT!

 

POEDIES MOAKEN MIT ‘MAAI O MAAI’ TOCH T BESTE VAN DIZZE MALE TIED

Moandenlaank zitten ze al alleneg toes, dij drij laive Poedies. Oefent wordt dr haildaal nait meer. Het blift slim n gedoe ja, dizze Coronatied. Wichter hebben t dr slim stoer mit!

Om nait haildaal ien mineur te roaken hebben ze nogmoals pebaierd n laidje op te nemen. Gewoon abmoal toes n mopke zingen en din moar hopen dat t soamen n beetje klinkt…
Wat vienst dr van? Is t wat? 

 

2 SEPTEMBER: POEDIES TREDEN OP IEN TOENE IEN STAD

Soep veuroaf en kovvie noa konsert
Wonsdagoavend 2 september vermoaken wie Poedies joe groag ien Tuin in de Stad. Wie brengen tragi-komische laidjes, dij wie mit passie en haartstocht veur joe zingen: min of meer bekende songs, vertoald noar t Grunnings.

Hou zucht oavend dr oet?
18.30 tot 19.30 uur – Tuin in de Stad serveert biologische/vegetoarische soep mit brood.
19.45 tot 20.45 uur – De Poedies treden veur joe op.
20.45  tot 21.00 uur – Kovvie/tee mit KNOL’s kouk!

Wat kost t?
t Heule arrangement kost 7.50 euro p.p
Lös kint ook (soep: 3. 50 euro; konsert : 2. 00 euro; kovvie mit kouk: 2. 00 euro).
Aander versnoaperings binnen hier nait ien mitrekent.

Reserveren
Reserveren kin via mail: tuinindestad@gmail.com. Komst spontoan? Din wordt dien noam en telefoonnummer noteerd (i.v.m. Corona). Wie hopen joe doar te zain!

Over De Poedies
De Poedies hebben hun sporen verdiend met het winnen van de publieksprijs van het Grunniger laidjesfestival in 2018. Hun lokale roem breidt zich in rap tempo uit… Poedies Janny Maat, Jetta Post en Marchien Timmer begeleiden hun laidjes met ukelele en gitaar. Af en toe komt er ook een trekzak aan te pas.